7 Mënyra të thjeshta për të zvogëluar konsumin e karburantit

0
413

Çmimi i karburantit në vendin tonë është i lartë dhe si pasojë kostoja e përdorimit të një makine mbetet vazhdimisht e lartë.

Lajm i mirë është se ne mund të ndikojmë në një farë mase në konsumin e karburantit të makinës tonë, thjesht duke ndryshuar disa zakone në ngarje.

Nëse supozojmë se makina juaj është e ruajtur mirë dhe është në gjendje të mirë pune, këshillat e mëposhtme mund t’ju sjellin kursim të karburantit prej 10% ose më shumë.

Le të shohim se çfarë janë këto!

#1. Fikeni motorin kur jeni ndaluar

kurse karburant

Edhe për një ndalesë një minutëshe, psh kur ju keni “ngecur” në trafik, është më mirë të fikni motorin se sa ta lini atë në minimum.

Në kushte “qetësie” një motor konsumon një mesatare prej 1.87 litra/orë dhe lëshon dioksidin e karbonit të panevojshme në mjedis. Fikja e motorrit mund t’ju kursejë deri në 19% të karburantit dhe për këtë arsye, makinat e reja janë të pajisura me sistemin Start/Stop. Herën tjetër kur ju të ndaloni për më shumë se 1 minutë, fikeni!

#2. Shkarkimi i peshës së tepërt

si te kursesh karburant

Sa më e lehtë të jetë makina, aq më shumë ulet dhe konsumi karburantit dhe CO2. Hiqni të gjitha peshat e panevojshme të cilat mund të keni në bagazh dhe ju menjëherë do të shihni ndryshim! Për shembull, 45 kg peshë shtesë në hapësirën e bagazhit mund të rrisë konsumin nga 1 deri në 2%. Filloni zbrazjen e makinës nga objektet e tepërta!

#3. Kontrolloni presionin e gomave

presioni gomave

Gomat e shfryra janë një tjetër arsye për të rritur konsumin mesatar të automjetit tuaj. Nëse për shembull presioni i gomave është ulur 2 PSI, -dicka e zakonshme- rezistenca e rrotullimit të gomave rritet me 5% dhe në këtë mënyrë rritet dhe energjia e nevojshme për të lëvizur makinën.

Një rekomandim për të parë rezultate më të mira në konsumin e karburantit është të vendosni goma me rezistencë të ulët rrotullimi dhe sigurisht të kontrolloni presionin e ajrit rregullisht!

#4. Mos ngisni (vozisni) në mënyrë agresive

mos jeni agresiv

Nisja e shpejtë dhe frenimet e papritura rrisin ndjeshëm konsumin e karburantit dhe dëmtojnë makinën. Në anën tjetër, ngarja pa probleme dhe e qetë mund t’ju kursejë paratë tuaja në konsumin e karburantit deri në 30%.

Teknikat për arritjen ngarjes ekonomike janë të shumta dhe për ti analizuar të gjitha nuk mjafton një artikull. Megjithatë, një tip i shpejtë është: kur ngisni me një shpejtësi “x”, zgjidhni marshin më të lartë që mund të lëvizni me lehtësi, por pa vështirësuar motorrin. Për shembull në 60 km/h, një makinë përdor 25% më shumë karburant nëse keni zgjedhur marshin e 3-të, sesa po të përdorni marshin e 5-të.

#5. Përmirësoni aerodinamikën e automjetit

aerodinamika e makines

Hiqni të gjitha pjesët e makinës që mund të rrisin rezistencën e ajrit dhe në këtë mënyrë edhe konsumin e karburantit. Disa nga këto komponentë të jashtëm janë zgara dhe top-box (bagazhiera) mbi tavan apo pjesën e pasme të automjetit.

Për shembull, një bagazhierë në tavanin e automjeteve mund të rrisë konsumin e motorit nga 2 në 8%, kur ngisni në qytet dhe nga 6 deri në 25%, kur jeni duke ecur në autostradë me një shpejtësi brenda kufijve.

#6. Përdorni Cruise Control

cruise control

Duke përdorur cruise control në autostradë ju mund të arrini rezultate të rëndësishme, duke kursyer deri në 6% në konsumin e karburantit.

Ndër të tjera, përdorimi i “autopilot” ndihmon shoferin për të reduktuar manovrat e papritura dhe të ketë një reagim më pozitiv në kontrollin e rrugës.

#7. Minimalizoni ngrohjen e motorit

temperatura e makines

Një motor nxehet më mirë nën një ngarkesë të lehtë në kushte vozitje normale sesa kur automjeti është i parkuar.

Natyrisht është e mirë të shmangni nisjen e shpejtë dhe shpejtësitë e mëdha, para se vaji të arrijë në një temperaturë të përshtatshme dhe motori të nxehet plotësisht. Veçanërisht në kushte të ftohta, konsumi i karburantit gjatë nxehjes është shumë më i lartë sesa kur moti është i ngrohtë.

kurseni karburant

Duke përmbledhur…
Me këto këshilla ju mund të shihni një përmirësim të rëndësishëm në konsumin e automjetit tuaj dhe të kurseni para duke mbrojtur njëkohësisht dhe mjedisin nga ndotësit që lëshon. Së fundi, mos harroni se më kryesorja për një makinë 100% efikase në konsumin e karburantit është dhe mirëmbajtja!

Nëse keni nevojë për më shumë ndihmë për të zgjedhur makinën ideale për nevojat tuaja, atëherë mund të lexoni disa ose të gjitha artikujt popullor në këtë blog!

  1. Cilat makina janë të përshtatshme për mbi 3 karrige fëmijësh?
  2. Si duhet të ngisni makinën në mot të keq?
  3. Si duhet të ngasë veturën një grua shtatzënë?

PËRGJIGJU

Please enter your comment!
Please enter your name here

4 − two =