Të gjitha që po mendoni janë pushimet, zhytjet në det dhe momentet e relaksimit larg stresit dhe jetës së përditshme? Për të mos prishur kënaqësinë tuaj të verës, ndiqni këshillat më poshtë për të shijuar sa më shumë udhëtimin me makinën tuaj!
1- Udhëtoni jashtë vendit?
Është e rëndësishme që të keni me vete:
- Karta Jeshile e Sigurimit, e cila vërteton dhe garanton mbulimin e përgjegjësisë civile në vendet pjesëmarrëse në Sistemin e Kartonit të Gjelbër
- Patenta Ndërkombëtare e Drejtimit për vendet e BE-së
- Autorizimi nëse automjeti nuk ju takon
- Telefonat e urgjencës dhe rregullat e trafikut rrugor për vendin ku do udhëtoni
Tip! Siguroni Kartelën Evropiane të Sigurimeve Shëndetësore, e cila është karta e lirë shëndetësore për kujdesin mjekësor të BE gjatë qëndrimit tuaj të përkohshëm
2- Nuk do të udhëtoni me automjetin tuaj?
Për një udhëtim jashtë vendit, para marrjes me qira të automjetit:
- Sigurohuni që i kuptoni termat dhe kushtet e marrëveshjes së qirasë
- Kontrolloni automjetin me kujdes
- Sigurohuni që automjeti është i mbuluar nga një sigurim mundësisht kasko, i cili është i përfshirë në çmimin e qirasë dhe është i vlefshëm në të gjitha vendet e BE-së
- Ju mund të merrni sigurim opsional, me mbulesa të tilla si dëmtimi i shoferit, dëmtimi i makinave ose vjedhja etj.
Rekomandim! Për makina të lira dhe të mira me qira si dhe shërbim profesional mund të kontaktoni me Albania-Auto
3- A është makina juaj gati për udhëtim?
Kontrolloni:
- Frenat, Dritat, Radiatorin, Baterinë
- Presioni i gomave (bazuar në ngarkesën e shtuar) dhe goma rezervë
Kujdes! Të keni qasje të lehtë në trekëndëshin paralajmërues, jelekun e sigurisë dhe farmacinë në çdo kohë!
4- Rrugët Provinciale
Në verë, shoferët janë më të relaksuar dhe si pasojë bën që shumica e aksidenteve të ndodhin në rrugët provinciale, veçanërisht në gusht, kur udhëtimet janë të shumta. Prandaj është e rëndësishme të ecni me shpejtësi të ulët dhe të kontrolloni mjedisin rrugor për të gjetur spote të pasigurta, ecje e rrezikshme nga të tjerët etj…
Këshillë! Shkarkoni një hartë offline në celularin tuaj nëse nuk keni qasje në internet.
