Shkencëtarët kryejnë teste në rrugët me material ndërtimor plastik dhe me karakteristikë kryesore vendosjen dhe heqjen e drejtpërdrejtë të plastikës. Kompania VolkerWessels, e Danimarkës, eksperimenton një projekt të tillë në bashkëpunim me qytetin e Roterdamit, i cili do të fillojë ndërtimin e rrugëve prototipe plastike. Qëllimi i kompanisë është që të mbledhë mbeturinat plastike nga oqeanet të cilat përmes riciklimit do të bëhen si një “tullë” plastike për t’u vendosur lehtë dhe shpejt në rrugë. I pari i cili ëndërroi këtë ishte Indiani, Rajagopalan Vasudevan, specialist në prodhimin e polimereve nga plastika, përmes të cilit prodhohet asfalti në vend të ziftit tradicional. Pra, rrugët janë më të qëndrueshme, me kosto më të lirë dhe të gjelbra. Në të vërtetë India për vite ka ndërtuar rrugë me këtë mënyrë. Por ato ende janë rrugë të asfaltuara, ndërsa VolkerWessels kërkon të realizojë krijimin e rrugëve tërësisht plastike.
