Makina gjigande për fundin e botës.

0
180

Ky bus për kamping me ngjyrë jeshile ushtarake, me peshë prej 18 tonë dhe me një set të rrotave gjigante, ka befasuar të gjithë.

Kjo “bishë e egër” e madhe, e prodhuar në Saalfelden am Steinernen Meer, Austri, posedon motorin me kapacitet prej 720 kuajfuqi dhe kushton 585 mijë funte (792 mijë euro), shkruan Daily Mail. Por, përveç pamjes së saj sikur një tank, Action Mobil Global XRS 7200, i përshkruar edhe si një “shtëpi motorike për lundrim”, gjithashtu është krijuar edhe për komoditet dhe vjen me 23 metra katrorë hapësirë për jetesë.Në komoditetin që ofron ky bus për kamping përfshihet edhe televizori satelitor, makina larëse dhe tharëse, si dhe një lift në pjesën e pasme për të mbajtur një motoçikletë. Firma me bazë në Austri, ofron shumëllojshmëri të modeleve të kësaj “bishe të egër”, duke përfshirë modele me dy, tre dhe katër boshte. Uebsajti i kompanisë thotë: “Kjo shtëpi motorike luksoze me rrota magjepse me linjat e saj të qarta, funksionalitetin optimal për qëndrimet e gjatë nëpër terrene të ndryshme, si dhe me ofrimin e atmosferës shtëpiake – të gjitha këto në një shtëpi motorike për lundrim”. Stephan Wirths, drejtor menaxhues i Action Mobil, ka thënë se kompania ka shitur rreth 300 automjete “mamute” deri më tani. Por, pavarësisht madhësisë gjigante, Global XRS 7200 nuk është automjeti më i madh që ka shitur ndonjëherë kjo kompani. Desert Challenger – një model i veçantë, i cili peshon 30 ton dhe ofron pesë milje për galon – ishte shitur për më shumë se 1 milion funte. “Njerëzit gjithmonë kanë një reagim të madh kur e shohin për herë të parë. Më pëlqen çdo gjë që posedon modeli Global XRS 7200”, ka thënë Wirths. 20150924150838286646 20150924150510310 20150924150746413 20150924150630310 20150924150531301

PËRGJIGJU

Please enter your comment!
Please enter your name here

ten − three =