Si të pergatisni makinën tuaj për dimër?

0
56

Me fillimin e stinës së vjeshtës moti fillon të ndryshoj i cili sjell shira të shumta dhe duke ju afruar stinës së dimrit fillojnë edhe të reshurat e bores prandaj është shumë më rendësi që automobilin tuaj duhet ta keni gati për dimrin e ftohtë dhe të gjatë

Cfarë ju duhet : Goma dimërore, zinxhirë
Për siguri në rrugë gjatë dimrit ekzistojnë dy lloj këshillash – më mirë t’i zbatojmë ato – sesa të pendohemi më vonë.
Me pajisjet dimërore nënkuptohet: përdorimi i të katër gomave dimërore apo zinxhirëve në rrotat tërheqëse – megjithatë ekspertët këshillojnë që vozitësit, ndër tjera, të kontrollojnë domosdo frenat dhe aftësitë e tyre frenuese – ashtu që gjatë frenimit në rrafshinë, vetura nuk do të duhej të anonte.
Ndërrojini filtrat dhe vajin e automobilit tuaj dhe kërkoni nga automekaniku që t’i kontrollojë kabllot dhe gypat e motorit për të parë ndonjë dëmtim të mundshëm. Kontrollojini dritat, mekanizmin e ndezjes dhe gjendjen e baterisë – madje rekomandohet edhe kontrolli i bazës së makinës si dhe gjendja e përgjithshme e llamarinës së automobilit. Dëmtimet e vogla të ngjyrës është më mirë të riparohen para dimrit, sepse shpesh kombinimi i kripës me baltë – që ngjiten në makinën tuaj – mund ta përkeqësojnë gjendjen e saj.
Vozitësit me përvojë nuk e përdorin kot shprehjen: “Gomat ta shpëtojnë kokën”. Bashkë me frenat dhe mekanizmin drejtues, gjatë dimrit gomat janë elementi më i rëndësishëm i sigurisë. Gomat e dimrit me formën e tyre karakteristike, më lehtë lëvizin nëpër borë sesa gomat verore. Kështu automjeti do të lëvizë më lehtë nga vendi dhe më lehtë do të ndalet, respektivisht do të frenojë. Është e qartë se gomat e verës nuk do të ngjiten si duhet në borë – andaj nuk do t’ju hyjnë në punë fare.
Është shumë e rëndësishme që të përzgjidhet kompleti i vërtetë i gomave për automjet nga i njëjti prodhues dhe të montohen në të katër rrotat, e jo vetëm në ato tërheqëse, sikurse është “adet” te ne. Natyrisht, nëse buxheti familjar nuk lejon blerjen e gomave të dimrit dhe në rast se ngisni nëpër rrugë të qytetit, mund të dimërohet edhe me goma universale, të cilat mund të përdoren edhe gjatë dimrit edhe gjatë verës.
Vozitësit e automobilave më të vjetër, gjithsesi duhet ta kontrollojnë gjendjen e baterisë, që të mos e sjellin çelësin kot në orët e ftohta të mëngjesit dhe të dëgjojnë “gugatjen” e makinës, apo edhe të kthejnë kokën nga ndonjë fqinjë, i cili mund t’i ketë kabllot për ndezjen e makinës.
Është po ashtu e rëndësishme që të kontrollohet edhe gjendja e fluidit në automobil. Pikësëpari uji që shërben për ftohjen e makinës. Para çdo dimri, vozitësve u rekomandohet kontrollimi i antifrizit dhe ndërrimi i tij me kohë. Kushtojini vëmendje edhe fluidit për pastrimit e xhamit të përparmë, i cili duhet t’i rezistojë ngrirjes, si dhe kontrollojeni gjendjen e fshesave të këtij xhami dhe atij të prapmë.

     

PËRGJIGJU

Please enter your comment!
Please enter your name here

5 × five =