Disa këshilla për të blerë një makinë të përdorur

0
847

Të blini një makinë të përdorur mund të jetë mënyra më e shpejtë, më e thjeshtë dhe më e lirë për makinën tuaj ideale. Ne po ju japim disa keshilla se si të zgjidhni makinën tuaj pa shumë mundim.

1.Pse po blini një makinë të përdorur?

Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re. Makinat që janë vetëm 1 ose 2 vjet të përdorura janë 20-30% më të lira se një e re. Po ka edhe arsye të tjera për të blerë një makinë të përdorur:

–          Kurseni para
–          Keni mundësi të bëni Pazar
–          Makinat e përdorura janë këto kohë më të besueshme
–          Disa makina të përdorura janë akoma brenda garancisë
–          Historia e një makine të përdorur mund të gjendet thjesht duke përdorur numrin e identifikimit VIN në internet.
–          Procesi i negociatave është më i thjeshtë
 
2. Vendosni buxhetin  Përpara së të filloni dhe të mendoni se çfarë makine të blini, ju duhet të dini saktë buxhetin që do të shpenzoni për ta blerë.• Bëni një llogari se sa mund të shkojë çmimi i makinës tuaj aktuale, dhe vendosni nëse do ta shisni atë privatish ose do ta këmbeni me koncensionarin duke i lënë makinën dhe një shumë ekstra për modelin e ri të saj. • Vendosni nese do tju duhet financim esktra. • Llogaritni se sa shumë benzinë/naftë harxhon, sa do t’ju kushtojë siguracioni dhe taksat rrugore.
 
3.Zgjidhni makinën e duhur Me mundesitë e pafundme të zgjedhjeve, të zgjedhësh makinën tuaj të përkryer mund të jetë një proces që mund të zgjasë përgjithmonë. Mendohuni mire se cfarë është ajo çka kërkoni nga makina juaj e re:• Për çfarë do ta përdorni makinën • Sa pasagjerë do të transportojë, normalisht • Sa shumë do t’ju shpenzojë për mbushjen e saj me benzinë/naftë, taksat, siguracioni, sa të shtrenjtë do ta ketë servisin dhe riparimet e mundshme. 4.Kontaktoni shitësin Kontakti juaj i parë më shitësin mund të tregojë shumë informacion të vlefshëm për makinën, prandaj është me rëndësi që ju të bëni pyetjet e duhura. • Kërko një informacion rreth makinës, gjendjes së saj në të kaluarën • Rregullo një takim për të parë makinën në shtëpinë apo ambientin e shitësit, duke konsideruar shifrën që ai ka dhënë, të diskutueshme ose jo. • Pranoni të shikoni makinën gjithmone kur të jetë ditë, jo pasdite ose natën. Do të sugjerohej gjithashtu që makinën ta shikoni në mot të thatë dhe jo me shi, që ta keni me të lehë që të dalloni dëmtimet. 5.Kontrolloni një makinë të përdorur Nuk ka pse të jeni një mekanik me profesion që të kontrolloni një makinë të përdorur, por ka disa rregulla të arta. • Kërko një listë të kontrolleve të mëparshme teknike, për të parë nëse makina ka nevojë për një financim të madh, është e vjedhur ose është e zhvleftësuar si markë e model makine. • Kontrollo dokumentat e makinës, historinë e vajtjes në servis. • Kontrollo numrin e identifikimit të makinës të shkruar qartë dhe me shkronja të mëdha, nën kofano dhe të  stampuar në shasi nën tapet poshtë anës së sediljes së shoferit për shenja të mundshme modifikimi dhe sigurohu që ai numer të jetë i njëjtë me atë të shkruar në liber • Kontrollo për ndryshk, për mospërputhje të ngjyrës së bojës mes paneleve të trupit të makinës. • Sigurohu që të gjitha funksionet e makinës janë në rregull dhe gjendje pune. 6.Provoni makinën Duke i bërë një xhiro makinës ju do të keni mundësinë që të ndjeni çdo aspekt të saj, duke filluar që nga mënyra se si ajo lëviz në rrugë, deri tek të qenurit i sigurtë që të gjitha funksionet i ka në rregull dhe gjendje pune. Prova e makinës është përfundimisht ajo që vendos, nëse kjo është makinë për ju apo jo. Sapo të hipni para timonit ju mund ta dalloni nëse ka hapësirën e nevojshme, është e volitshme, ju pëlqen? Mos e provoni makinën kur bie shi, ose në kushte të vështira atmosferike. Fikeni radion që të dëgjoni mirë punimin e makinës. Vëreni me kujdes:

–          Akselerimin (nisjen, kur makina është e ftohtë dhe e papërdorur mund të nxjerrë tym të bardhë)
–          Shikueshmërinë (fenerët)
–          Zhurmën e makinës
–          Ndërrimin e marshave (ndërrohen shpejt dhe lehtë?)
–          Frenat
–          Frenat e dorës (problemi kryesor tek kontrolli teknik në Shqipëri)
–          Kthesat që merr makina
–          Amortizimin
–          Kërcitje, zhurma
–          Bagazhin

Mos u nxitoni dhe sigurohuni që çdo gjë është normale. Mirë është, që ta provoni makinën në një autostradë me shpejtësi p.sh. 90 km/orë. Nëse provoni një fuoristradë, gjeni një terren të përshtatshëm për fuoristradë. Nuk është gjë e mirë, që të gjeni probleme pasi e keni blerë. Pas provës kërkoni nga shitësi librin e shërbimeve. Mos blini një makinë që ka bërë aksident, ose ka defekte të dukshme. Edhe nëse ju pëlqen makina, ju mund ta çoni tek një mekanik për më shumë inspektim. 7.Bëni pazar me shitësin Eshtë mëse e zakonshme për blerësit që të bëjnë pazar për makinën që do të donin të blinin, prandaj mos u stepni që të bëni pazar për çmimin. • Mësoni sa vlen makina, dhe se sa ju jeni në gjendje të paguani • Fillojeni me një ofertë të ulët dhe lini shitësin të punojë për ta rritur çmimin • Një mbushje e serbatorit plot me naftë/benzine ose një servis I plotë mund të konsiderohet gjithashtu një ulje e mirë • Tregojini vendosmërinë tuaj shitësit, qëndroni i qetë dhe mos debatoni. • Në rast se nuk arrini të bini në ujdi, kujtojini vetes që ka plot makina të tjera që presin për t’u shitur 8.Mbyllja e marrëveshjes Pasi të keni rënë dakord me shitësin shkoni në një zyrë noteriale për të bërë aktin e shit-blerjes. Ju duhet të keni me vete një dokument identifikimi dhe shumën e parave ose vërtetimin bankar të pagesës.

PËRGJIGJU

Please enter your comment!
Please enter your name here

17 + two =